اس پروجیکٹ کا بنیادی مقصد عوام الناس میں آگاہی و شعور بیدار کرنا ہے ۔ وہ آگاہی جس سے وہ انجان ہیں اور جس کا جاننا ان کیلئے بہت ضروری ہے ۔ جی پاکستانی قانون ۔۔ وہ قانون جو ان کیلئے بنایا گیا ہے ان کی سہولتوں کیلئے بنایا گیا ہے ۔ عوام کی لاعلمی انہیں بہت سے مسائل میں گھیر لیتی ہے ، اگر قانون کا علم ہوگا تو کرپشن جیسی لعنت سے ہم اپنے ملک کو بچا پائیں گے ۔
اس پروجیکٹ کے زریعے ہم لوگوں کو یاد دلانا چاہتے ہیں ان کی تہذیب کیا تھی ۔۔ جسے وہ سراسر فراموش کر چکے ہیں۔ ہماری آنے والی نسلیں جنہیں اس بات کا علم ہی نہیں کہ ہماری مذہبی اور سماجی اقدار کیا ہیں ان کو ہماری نئی نسل سے روشناس کروانے کی کاوش ہے ۔ یہاں ہمارے انبیائ کرام علیھم سلام کے قصے، نبی پاک ﷺ کے واقعات پر تفصیلی آرٹیکل بچوں کیلئے پیش کیئے جائیں گے۔
اس پروجیکٹ کے زریئے ہماری معدوم ہوتی زبان کی اہمیت کو اجاگر کرنے کی کوشش کی جارہی ہے ۔ جی اردو زبان ۔۔
جس سے شیریں زبان تو شاید ہی کوئی ہو ۔ ہم اسی شیریں زبان کے فروغ کو یقینی بنارہے ہیں۔ جس کیلئے مختلف نئے لکجھنے والوں کے افسانے اس بلاگ پر شئیر کیئے جائیں گے ۔جس کے زریعے ہم نئے لکھنے والوں کی حوصلہ افزائی کرنا چاہتےہیں۔
مزید براں اس پروجیکٹ کے زریعے ہم صحت کے مسائل پر بھی بات کریں گے ۔ ہر مہینے کسی ایک شعبے کے ماہر کا انٹرویو بھی شامل کیا جائے گا۔تاکہ زیادہ سے زیادہ معلومات کو ہمارے پڑھنے والوں تک پہنچایا جائے۔
